header foto
Algemeen

Neet vergaete! VHC Sja Poo Bal 2015 op 6 fibberwarie

Nieuws afbeelding 6-2-2015

Vastelaovend zit de VHC’er in ut blood. De 34 versies van ut beruchte VHC-bal en ut weergaloze Sjoet en Boelie festijn in 1978 laote nog steeds vuuël VHC- herte sneller kloppe. Alde tièje herlaeve inmiddels. Ut bestuur van de Venlose HockeyClub nuuëdig óg dan ouk, veur ut viefde jaor op rièj, oèt veur ein grandioze vastelaovestradisie binne de VHC:

 

ut Sjoet en Boelie Sja Poo Bal 2015.

Op vrièdaag 6 fibberwarie 2015 in Café De Galerie op de Parade in Venlo is idderein met ein smetteloos wit en koreblauw hert mièr dan welkom um alde glorie te herstelle. In d’n opzet is ein originele en spraekeswaerde kieëbusbedekking al mièr dan genóg um binne te kómme.

Ein vakbekwaame zjuurie zal op deze aovend bepaole wae ut moeëjste Sja Poo druuëg en deze knapperik beloeëne met Ut Golde Pluumke. Idderein vanaaf achtieën jaor, veurzeen van ein Sja Poo, is vanaaf 20.11 oor hertelik welkom en krièg vreeje entree.

Names ut bestuur van de Venlose HockeyClub,

Eine gruuëtse veurzitter
Geert Göbbels