header foto
Jongste Jeugd

VHC Kinderoptoch zondaag 7 fibberwarie 2016!!!

Nieuws afbeelding 3-2-2016

Waat ein vastelaovesjaor wuurt 2016! Ós blauw-wit hockey-blood mingt de kommende tièd met de Venlose Vastelaovesjen! De boerebroèlof zit inmiddels in al os herte en ouk ‘t Sjapoobal is neet mièr weg te dinke oeët ózze agenda. Veurige waek vriédaag waas De Keulse Ker de "plees toe bie" veur VHC-hockeyers met ein hudje op; ’t waas waan!

 

Maar d’r is mièr; vuuël mièr! VHC is ein gruuëtse vereiniging en det mótte weej de stad laote zeen. Zóndaag is wie de tradisie ós gegaeve haet: de Kinderoptoch van Jocus. Eine bónte sliert van verkleide kroèkestöpkes met pap, mam, opa en oma d'r beej. 

 

Ouk dit jaor wille weej gaer de jeug van os stad laote zeen waat ein kwante vereiniging VHC is. Daorum wille weej ouk dit jaor de kinderoptoch laupe met alle VHC-(jeug)leeje, elders, opa’s en oma’s en alle andere die dao beej huùre. Idderein kin gewoeën verkleid gaon zoeëasse wilt, maar weej wille waal gezamelik laupe met ein VHC-ballón aan den erm of bolderwage. Zoeë kin de ganse stad zeen wie groeëts en gruuëts VHC is! 

 

Weej verzamele vastelaoveszóndaag 7 fibberwarie veur de haufingangk van de Sint Martinuskerk vanaaf 12.00 oor. Ut leefs aan de kant van ut Kerkepäörtje. Zoeë staon weej centraal opgesteld en laupe weej neet mier zoeas veurig jaor achterin d’n optoch zonder mezièk. Det waas namelik ieuwig zund.

 

As den optoch geit trekke, zulle weej versierd met ein ballunke met z’n alle gaon laupe um beej ut stadhoeës ut defilé aaf te laote neeme door de nieje dreejspanne van Jocus en Jocus Toekôms. Dan laupe weej door nao de Alde Mert um beej de Blauw Trap gezellig ut glaas te höffe op de start van de schoeëne Venlose vastelaovend en um ut inmiddels tradisionele täötje chips op te miechele!

 

Auk zoeë enthoesias? Dan zeen weej óg gaer allemaol op zóndaag 7 fibberwarie! 

 

Is geteikend, 

Ógge gruuëtse veurzitter, Leopold Hermans

Bijlage

Contact

Adres
Louisenburgweg 5,
Sportpark Herungerberg,
5916 NA VENLO
T: 077-3512724
[email protected]

Postadres VHC
Postbus 567
5900 AN VENLO